📰 नाशिक जिल्ह्यात होणार एक दिवसीय साहित्य संमेलन

वृत्तरत्न नव महाराष्ट्र न्यूज ✍️

इगतपुरी प्रतिनिधी – मिलिंदराज पंडित

नाशिक जिल्ह्यातील इगतपुरी तालुक्यातील निसर्गरम्य बोरली येथे प्रगतिशील लेखक संघ, शाखा इगतपुरी यांच्या वतीने एक दिवसीय साहित्य संमेलनाचे आयोजन करण्यात आले आहे.

या संमेलनाच्या अध्यक्षपदी प्रगतिशील लेखक संघाचे नाशिक जिल्हा अध्यक्ष, साहित्यिक मा. प्रमोद अहिरे सर यांची निवड करण्यात आली आहे.

संमेलनाचे निमंत्रण कवी पंढरी पगारे, कवी मिलिंदराज पंडित आणि विद्रोही कवी गणेश आहिरे यांनी संमेलनाध्यक्षांना देऊन स्वागत केले.

या प्रसंगी प्रगतिशील लेखक संघाचे राज्य सचिव आणि कादंबरीकार मा. राकेश वानखेडे सर, नाशिक जिल्हा सचिव मा. प्रल्हाद पवार सर तसेच त्र्यंबकेश्वर तालुका अध्यक्ष तुकाराम चौधरी सर प्रमुख उपस्थित राहणार आहेत.

याचबरोबर वृत्तरत्न नव महाराष्ट्र न्यूजचे मुख्य संपादक श्री. सागरजी रोकडे साहेब व संपादक श्री. संदेशजी भालेराव साहेब हेही मान्यवर पाहुणे म्हणून उपस्थित राहणार आहेत.

सदर साहित्य संमेलनाबाबत सध्या साहित्यिक, लेखक व कवींमध्ये उत्सुकतेचे वातावरण असून कार्यक्रमाची जोरदार चर्चा सुरु आहे.