🏆नवोदय परीक्षेत चरीव शाळेचा झळाळता यशस्वी ठसा कायम🏆

 

प्रतिनिधी-शंकर गायकवाड 

शहापूर तालुक्यातील जिल्हा परिषद शाळा चरीवने नवोदय विद्यालय प्रवेश परीक्षेत पुन्हा एकदा उल्लेखनीय यश संपादन करत आपली परंपरा कायम राखली आहे. जिद्द, चिकाटी आणि कठोर परिश्रमाच्या जोरावर कुमारी दुर्वा जनार्दन पानसरे हिने 95 गुण मिळवत जवाहर नवोदय विद्यालय, पालघर येथे प्रवेश निश्चित केला आहे.

तसेच आयुष गजानन कथोरे (92.50), स्वरूप भास्कर पानसरे (83.75), विराज दिनेश हजारे (83.75), मंथन गजानन उमवणे (81.75) आणि शुभम दिपक पानसरे (78.25) या विद्यार्थ्यांनीही उत्तम गुण मिळवत एकूण सहा विद्यार्थ्यांनी घवघवीत यश मिळवले आहे.

या यशामागे विद्यार्थ्यांची मेहनत आणि शिक्षकांचे प्रभावी मार्गदर्शन कारणीभूत असल्याचे स्पष्ट झाले आहे. या यशाबद्दल संपूर्ण तालुक्यातून शाळेचे आणि विद्यार्थ्यांचे कौतुक होत आहे.

सदर वर्गाचे वर्गशिक्षक श्री. सुनील जयराम रिकामे, मुख्याध्यापक श्री. तानाजी घायवट तसेच शिक्षकवृंद श्री. मल्हारी विशे, श्री. सदाशिव सातपुते, श्री. यशवंत केदार आणि श्री. शरद गायकवाड यांनी गेल्या सलग चार वर्षांपासून ही यशस्वी परंपरा कायम राखण्यात मोलाची भूमिका बजावली आहे.

शिक्षकांनी या यशाचे श्रेय शिक्षणाधिकारी मा. बाळासाहेब राक्षे, गटशिक्षणाधिकारी मा. हिराजी वेखंडे, विस्तार अधिकारी मा. शिवानी पवार आणि केंद्रप्रमुख मा. डॉ. विलास वेखंडे यांच्या मार्गदर्शनाला दिले आहे.

याशिवाय फॅन्ड्री फाऊंडेशन (मुंबई), सत्य साई ट्रस्ट, आदिवासी उन्नती मंडळ, नॉलेज अॅकेडमी शहापूर, जाणीव प्रतिष्ठान शहापूर, दीपस्तंभ प्रतिष्ठान आणि स्व. काशिनाथ भोईर सर प्रतिष्ठान या संस्थांनी शैक्षणिक साहित्य व सराव परीक्षा उपलब्ध करून देत विद्यार्थ्यांना सतत प्रोत्साहन दिले आहे.

मुख्याध्यापकांनी शाळा व्यवस्थापन समिती, माजी विद्यार्थी संघ तसेच ग्रामस्थांच्या सहकार्याबद्दल सर्वांचे आभार मानले.