कानपूरमध्ये ‘शिवालय पार्क’ उभारण्याचा निर्णय.

वृत्तरत्न नव महाराष्ट्र न्यूज ✍🏻

रितेश साबळे 

कानपूर : कल्याणपूर परिसरातील *गौतम बुद्ध पार्कच्या मागील बाजूस साधारण पाच एकर जागेत ‘शिवालय पार्क’ उभारण्याचा निर्णय घेण्यात आला आहे.* नगर आयुक्त सुधीर कुमार यांनी ही योजना जाहीर केली असून, *२९ ऑगस्ट २०२५ रोजी कानपूर विकास प्राधिकरणाकडून (KDA) आवश्यक अनापत्ति प्रमाणपत्र (NOC) मिळविण्याची प्रक्रिया सुरू करण्यात आली आहे.* 

प्रयागराज येथील शिवालय पार्कच्या धर्तीवर हा प्रकल्प उभारला जाणार असून, येथे भगवान शिवाच्या १२ ज्योतिर्लिंगांचे प्रतिरूप स्थापण्यात येणार आहे. त्यामुळे भक्तांना एकाच ठिकाणी सर्व ज्योतिर्लिंगांचे दर्शन घेण्याची संधी मिळणार आहे. त्याचबरोबर, या परिसरात धार्मिक, सांस्कृतिक आणि ऐतिहासिक माहिती देणाऱ्या विविध उपक्रमांचाही समावेश केला जाणार आहे.

शिवालय पार्कमध्ये हॅपिनेस पार्क देखील विकसित करण्यात येणार आहे. येथे शहराचा “हॅपिनेस इंडेक्स” दर्शविणारे उपक्रम, शैक्षणिक कार्यक्रम तसेच मुला-मुलींसाठी मनोरंजनात्मक सुविधा उपलब्ध करून दिल्या जाणार आहेत. याशिवाय आकर्षक चिल्ड्रेन पार्क, वॉटर बॉल लेक आणि कॅफे यांसारख्या सुविधा देखील नागरिकांसाठी उपलब्ध होणार आहेत.

या प्रकल्पामुळे कानपूर शहराला धार्मिक, सांस्कृतिक आणि पर्यटनाच्या दृष्टीने नवे आकर्षण मिळणार आहे, असा विश्वास व्यक्त करण्यात येत आहे.