स्वातंत्र्यवीर उमाजी नाईक यांच्या जयंतीनिमित्त अभिवादन.

वृत्तरत्न नव महाराष्ट्र न्यूज ✍🏻

संपादकीय

आज दिनांक ७ सप्टेंबर रोजी आद्य क्रांतिकारक स्वातंत्र्यवीर उमाजी नाईक यांची जयंती देशभरात अभिवादनाने साजरी करण्यात येत आहे. ब्रिटिश सत्तेविरुद्ध शस्त्र उगारून लढा देणारे पहिले क्रांतिकारक म्हणून उमाजी नाईक यांचे नाव इतिहासात सुवर्णाक्षरांनी नोंदले गेले आहे.

उमाजी नाईक यांचा जन्म ७ सप्टेंबर १७९१ रोजी पुणे जिल्ह्यातील भिवडी गावात झाला. लहानपणापासूनच अन्यायाविरुद्ध लढण्याची जिद्द त्यांच्या स्वभावात होती. इंग्रजांनी केलेला शोषणकारी महसूल धोरण, शेतकऱ्यांवरील अन्याय, तसेच भारतीयांच्या स्वाभिमानावर होत असलेल्या आघाताविरोधात त्यांनी जनतेला एकत्र केले.

उमाजी नाईक यांनी डोंगर-दऱ्यांमध्ये राहून गनिमी काव्याच्या पद्धतीने ब्रिटिश सत्तेला मोठा त्रास दिला. इंग्रजांच्या छावण्यांवर हल्ले करून शस्त्रास्त्र मिळवणे, शेतकऱ्यांचे रक्षण करणे, तसेच स्वातंत्र्याचा संदेश लोकांपर्यंत पोहोचवणे हे त्यांचे कार्य उल्लेखनीय आहे. त्यामुळे त्यांना गनिमी काव्याचे जनक असेही संबोधले जाते.

१८३२ साली ब्रिटिशांनी कपटाने उमाजी नाईक यांना पकडून फाशी दिली. तरीसुद्धा त्यांचे बलिदान व्यर्थ गेले नाही. त्यांच्या प्रेरणेतूनच पुढील पिढीतील अनेक स्वातंत्र्यसैनिकांनी स्वातंत्र्याच्या लढ्यात झोकून दिले.

आज त्यांच्या जयंतीनिमित्त विविध ठिकाणी अभिवादन कार्यक्रम, व्याख्याने व सांस्कृतिक उपक्रम आयोजित करण्यात आले आहेत. समाजातील तरुण पिढीला उमाजी नाईक यांचे कार्य म्हणजे धैर्य, त्याग आणि स्वाभिमानाचे उत्तम उदाहरण आहे.