वाळुज एमआयडीसीत २८ वर्षीय तरुणाचा मृतदेह आढळला; परिसरात खळबळ.

वृत्तरत्न नव महाराष्ट्र न्यूज✍🏻

कार्यकारी संपादक रितेश साबळे

छत्रपती संभाजीनगर (औरंगाबाद) : वाळुज एमआयडीसी परिसरातील बाजाजनगर येथे रविवारी सकाळी एका २८ वर्षीय तरुणाचा मृतदेह आढळून आल्याने परिसरात खळबळ उडाली आहे. मृतकाची ओळख उमेश वायल (वय २८, रा. बाजाजनगर) अशी झाली आहे.

प्राथमिक माहितीनुसार, मृत्यूचे कारण मद्यपानामुळे झालेल्या विषबाधेमुळे (लिकर ओव्हरडोज) झाल्याची शंका व्यक्त केली जात आहे. घटनेची माहिती मिळताच वाळुज एमआयडीसी पोलिसांनी घटनास्थळी धाव घेतली. पंचनामा करून मृतदेह पोस्टमार्टमसाठी जिल्हा शासकीय रुग्णालयात पाठवण्यात आला आहे.

पोलीस सूत्रांनी सांगितले की, मृत्यूचे नेमके कारण पोस्टमार्टम अहवाल आल्यानंतरच स्पष्ट होणार आहे. दरम्यान, पोलिसांनी परिसरातील सीसीटीव्ही फुटेज तपासणे, मृतकाच्या नातेवाईक व मित्रांचे जबाब घेणे तसेच घटनास्थळावरील पुरावे गोळा करण्याचे काम सुरू केले आहे.

या घटनेमुळे परिसरात भीतीचे वातावरण निर्माण झाले असून स्थानिक नागरिकांनी घटनास्थळी गर्दी केली होती. पोलिसांनी घटनास्थळी नियंत्रण ठेवत नागरिकांना शांतता राखण्याचे आवाहन केले आहे. पुढील तपास वाळुज एमआयडीसी पोलीस करत आहेत.