अजित पवार यांचा फोन कॉल प्रकरणामुळे वादंग.

वृत्तरत्न नव महाराष्ट्र न्युज ✍🏻

सोलापूर : दिः 6 सप्टेंबर 2025

महाराष्ट्राचे उपमुख्यमंत्री अजित पवार हे अवैध मुरूम उत्खनन प्रकरणात चर्चेत आले आहेत. सोलापूर येथे चाललेल्या या कारवाईदरम्यान अजित पवार आणि आयपीएस अधिकारी अंजना कृष्णा यांच्यातील संभाषणाचा एक व्हिडिओ सोशल मीडियावर व्हायरल झाला आहे. या व्हिडिओमध्ये पवार यांनी संबंधित अधिकाऱ्यांना कारवाई थांबवण्याचा आणि अप्रत्यक्ष धमकीचा संदेश दिल्याचा आरोप विरोधकांकडून केला जात आहे.

या घटनेनंतर सोशल मीडियावर जोरदार चर्चा सुरू असून, विरोधी पक्षांकडून अजित पवार यांच्यावर तीव्र टीका होत आहे. नेटिझन्सनीदेखील या प्रकरणात तातडीने कारवाई करण्याची मागणी केली आहे.

दरम्यान, अजित पवार यांनी स्वतः स्पष्टीकरण देत सांगितले की, "माझा उद्देश कायदा अंमलबजावणीत हस्तक्षेप करण्याचा नव्हता. परिस्थिती शांत राहावी यासाठीच मी संवाद साधला. पोलिस दलाबद्दल आणि महिला अधिकाऱ्यांबद्दल माझा सर्वोच्च आदर आहे."

या प्रकरणामुळे राज्याच्या राजकीय वर्तुळात मोठी खळबळ उडाली असून, पुढील घडामोडींवर सर्वांचे लक्ष लागले आहे.