पुण्यातील गँगवॉर प्रकरणात मोठी कारवाई – १३ आरोपींवर MCOCA लागू

वृत्तरत्न नव महाराष्ट्र न्यूज

रितेश साबळे कार्यकारी संपादक

पुणे – नाना पेठ परिसरात झालेल्या १८ वर्षीय आयुष कोमकर हत्याकांडानंतर पुणे पोलिसांनी मोठी कारवाई करत आंदेकर टोळीशी संबंधित १३ जणांवर गुन्हे दाखल करून महाराष्ट्र संघटित गुन्हेगारी नियंत्रण कायदा (MCOCA) लागू केला आहे.

५ सप्टेंबर रोजी सायंकाळी आयुष कोमकर यांच्यावर त्यांच्या इमारतीच्या पार्किंगमध्ये गोळीबार करण्यात आला होता. त्यावेळी आयुष त्याच्या लहान भावाला आणण्यासाठी गेले होते. गोळीबार त्यांच्या भावासमोरच झाला. या घटनेनंतर शहरात भीतीचे वातावरण निर्माण झाले होते.

पोलिसांनी केलेल्या कारवाईत बंडू उर्फ सुर्यकांत आंदेकर, त्याची मुलगी व्रुंदावनी वाडेकर, तिचे दोन मुलगे तुषार व स्वरज वाडेकर यांच्यासह यश पाटील, अमित पाटोले, अमन खान, सुजल मेरगू आदींसह एकूण १३ आरोपींना अटक करण्यात आली आहे. तपासादरम्यान पोलिसांनी आरोपींच्या घरातून सुमारे ७५ लाखांचे सोनं-चांदीचे दागिने, रोकड, १६ मोबाईल फोन, जमीन-मकानाची कागदपत्रे तसेच दोन देशी बनावटीच्या पिस्तुलाही जप्त केली आहेत.

ही हत्या वानराज आंदेकर हत्येचा सूड म्हणून केल्याचे प्राथमिक तपासात स्पष्ट झाले आहे. पोलिसांनी आरोपींना न्यायालयात हजर केले असता काही आरोपींची पोलिस कोठडी २२ सप्टेंबरपर्यंत वाढवण्यात आली आहे. दरम्यान, शस्त्रसाठा कुठून मिळाला, गोळीबारात कोणाचा थेट सहभाग होता याबाबत चौकशी सुरू आहे.

या घटनेमुळे स्थानिक नागरिकांमध्ये गँगवॉरची भीती वाढली आहे. उपमुख्यमंत्री अजित पवार यांनी स्पष्ट केले आहे की या प्रकरणात पोलिसांवर कोणताही राजकीय दबाव आणला जाणार नाही व आरोपींवर कठोर कारवाई केली जाईल.